Revista 'Mellora a cobertura TDT en...' Nº6

TELEVISIÓN DIXITAL PARA TODA CANTABRIA, A PARTIRES DE XUÑO

O 100 por cen da poboación de Cantabria terá acceso á televisión dixital a partir do mes de xuño con 20 canles gratuítas. Catro operadores presentaron ofertas ao concurso para o desenvolvemento do proxecto e as instalacione. Cantabria será a primeira comunidade autónoma española que universaliza a televisión dixital, case dous anos antes do 'apagamento' analóxico xeneral anunciado para abril de 2010.

Iso é o que pretende o Plan de Universalización da Televisión Dixital en Cantabria (Tdcan), que toda a poboación, con independencia do seu lugar de residencia, acceda á televisión dixital e ao que iso implica: maior número de canles, máis calidade do sinal en imaxe e son e novos servizos interactivos, incluídos os das administracións públicas.

Cántabros sen televisión

A orografía cántabra, o seu perfil montañoso, dificulta notoriamente a recepción do sinal televisivo, tanto no sistema analóxico como no dixital, e sobre todo nas comarcas do interior (Soba, Valderredible, Cabuérniga, Liébana, etc.). Ademais, os operadores están pouco interesados en estender a cobertura a esas zonas polo elevado custo que entraña. Calcúlase que co sistema analóxico 5.000 cántabros non reciben nos seus fogares ningún sinal televisivo, de 20.000 a 25.000 non dispón de Antena 3, Catro e Telecinco e 150.000 non ven A Sexta.

Para garantir a cobertura ao 100 por cen da poboación de Cantabria a única tecnoloxía que o permite é a transmisión por satélite, de modo que é a solución de referencia que contempla o plan do Goberno de Cantabria. En síntese, o sistema consiste na recollida das canles de televisión dixital terrestre do medio radioeléctrico, a súa transformación para ser enviados ao satélite e a súa recepción nos fogares mediante un equipamento adecuado, a antena e o decodificador.

Para salvar as deficiencias de cobertura, o Goberno rexional convértese en operador e articula o Plan de Universalización da Televisión Dixital. O 23 de xaneiro convocou un concurso público para a adxudicación das infraestruturas necesarias para este servizo cun orzamento basee de licitación de 4.589.501 euros. Antonte, venres, 8 de febreiro, quedou pechado o prazo de presentación de ofertas con catro propostas que corresponden a : Telecom Castela A Mancha, Ses Astra SA, Retevisión SA e a UTE (unión temporal de empresas) de Telefónica Servizos Audiovisuais SAU e Sermafas Telecomunicacións SL.

A Consellería de Industria e Desenvolvemento Tecnolóxico espera resolver a adxudicación en catro a seis semanas e a partir dese momento establecerase un prazo de tres meses para executar o proxecto, de modo que pode estar operativo cara a xuño. A oferta actual de televisión dixital é de 20 canles gratuítas aínda que o concurso obriga a contemplar para o futuro outros 20, dous de ámbito autonómico e 18 locais.

O concurso fixa un máximo de 300 euros de custo de instalación para os particulares, aínda que a Consellería prevé que sexa menor e ata habilitará liñas de axuda para que o gasto nesta materia sexa o menor posible.

Fonte: El Diario Montañés (adaptado ao galego)