Telecinco pedirá ao Goberno que demore o pago na TDT cinco anos

Fontes de Telecinco declararon hoxe a este portal que os responsables da cadea está estudando pedir ao Goberno unha moratoria de cinco anos para o lanzamento do pago na TDT española "para poder competir en igualdade de condicións cos radiodifusores que, actualmente, xa posúen contidos para ofrecer televisión dixital a través desta modalidade".

Diferentes probas piloto para estudar a viabilidade de cobrar por contidos de primeira calidade na TDT puxéronse en marcha, como a recentemente realizada en Estremadura, onde participou o operador de rede Abertis Telecom. E agora, creouse a empresa privada Dahlia TV para lanzar un paquete de tres ou catro canles por dez euros ao mes no que se incluiría cine, documentais e deportes.

Finalmente, está a produtora Mediapro, posuidora dos dereitos de retransmisión do fútbol da Liga Española e a Copa do Rei para as cinco próximas tempadas, polo que os seus responsables xa declararon que estarían dispostos a ofrecer estes partidos en pago por visión a un euro cada un.

Fonte: mundoplus