Máis cine e novas series de animación en Clan TVE durante o mes de agosto

A canle temática que emite en aberto en TDT, inclúe novas propostas para nenos e novos: series de animación para os máis pequenos da casa e dobre sesión de cine os sábados e domingos.

Clan TVE continúa envorcado no público infantil e xuvenil. Coa chegada das vacacións escolares, Clan TVE reforzou a súa oferta gratuíta e agora, en agosto, tamén trae novidades como a emisión de novas series de animación e máis cine de aventuras e debuxos animados para os fins de semana.

Máis cine, en Clan TVE

Durante o mes de agosto, Clan TVE potenciará a súa oferta de cine cunha dobre sesión, os sábados e os domingos, ás 15:30 e os domingos, ademais, tamén ás 22:00.

Algúns dos títulos que se poderán ver son "La gran aventura del Inspector Gadget", "Pastelito de fresa", "Scooby doo y la leyenda del vampiro", "La isla del tesoro?, "Fevel IV y el misterio del monstruo nocturno", "El diminuto mundo de David el Gnomo", "Los Supersónicos", "Tarzán y la ciudad perdida", "Superman IV, en busca de la paz", "El señor de los anillos II", "Slappy y los mofetas" ou "La Familia Adams III".

E, ademais, unha novidade, a partir do día 26, para a noite dos sábados: ás 22:30- e domingos -ás 23:45-: a serie "Paco y Veva", protagonizada por Hugo Silva, Elena Ballesteros e Beatriz Carvajal.

Series de animación

"Vicky el viquingo", "Edebits" e "Fluvi" comezarán a emitirse durante o mes de agosto. "Fluvi", a partir do día 4 de luns a domingo ás 09:00 e ás 16:00- é a mascota da Expo Zaragoza. As aventuras de Flu desenvólvense nun parque acuático e é unha serie que transmite aos nenos valores de medio ambiente, o aforro da auga e o coidado e o respecto pola natureza.

"Vicky el viquingo" chegará ás pantallas de Clan TVE o 12 de agosto, tamén de luns a venres, ás 09:00 e ás 18:40. Unha serie de animación que mostra aos nenos a vida e costume dos viquingos e co que a través do protagonista os máis pequenos aprenderán o importante que é usar a intelixencia en lugar da forza.

A finais do mes de agosto, o 26, comezará "Edebits", unha serie protagonizada por Bet, unha nena de 11 anos que vive nunha base científica da Antártica. Os seus amigos, os Edebit, son uns bits intelixentes que viven no seu computador. A tolerancia, o compañeirismo e a amizade son algúns dos valores desta produción infantil.


Fonte: RTVE