Mediapro está a piques de pechar negociacións con dous socios para o lanzamento da canle de fútbol de pago co que, rendibilizará os dereitos audiovisuais que comprou á maioría dos clubs para a próxima tempada.
Jaume Roures, un dos socios maioritarios da produtora catalá, revelou que a súa compañía está en conversacións cun socio español e outro estranxeiro, aínda que non quixo desvelar de cales trátanse. Tan só sinalou que "son operador, son empresas do sector, non serían socios financeiros".
Mediapro espera ter pechado o acordo a mediados de agosto para ter todo listo ao comezo da Liga e pór en marcha a canle, que se poderá ver a través da televisión dixital terrestre se o Goberno aproba abrir fiestras de pago. Ata entón, poderá ofrecerllo ás plataformas de cable.
Os plans de Roures pasan por utlizar as frecuencias xa asignadas a outros operadores para a emisión da oferta deportiva, previsiblemente nun dos que teña o seu socio español.
Roures aproveitou a súa participación en Foro da Nova Comunicación, organizado por Nova Economía Fórum, para aclarar que a canle de pago ofrecerá 20 partidos ao mes polos que cobrará 20 euros a cada abonado e insistiu en que non cobrará "peaxe, non haberá cota de abono". "Terá a Liga española e todas as ligas estranxeiras porque o 90% dos dereitos están nas nosas mans".
Mediapro, que acaba de comprar ademais os dereitos da Liga de Campións para a súa emisión en pago por visión a partir da tempada de 2009, non ten claro aínda se os incluirá na oferta da súa canle ou os reservará para ofrecerllos a outros operadores na modalidade de pago por evento.
Esa última sería a fórmula a aplicar no caso de que Roures logre outro dos seus obxectivos: crear unha plataforma de TDT de pago na que se aliarían "a maioría dos operadores audiovisuais".
A súa canle de fútbol sumaríase a esta plataforma, para a que reservaría, ademais dunha parte da Champions, cinco partidos de Liga que se ofrecerían en 'pay per view'. A idea incluiría a posibilidade de que os operadores que se asociasen dedicasen un das súas canles a estreas de cine, outro para series...
"A xente non vai moverse á TDT se non ten contidos que lle estimulen e iso hai que facelo antes de que chegue o apagamento", subliñou Roures. "Ademais, non somos os únicos que queremos un sistema de pago: todo o sector, incluíndo aos antenistas, fabricantes de televisores e descodificadores, está interesado".
"A Administración tería que traballar a fondo porque non chegariamos ao apagamento analóxico só cos investimentos e vontade dos operadores", advertiu Roures. "Para ser sostibles, había que introducir unha TDT de pago".
Fonte: elmundo.es
Entradas
No hay comentarios:
Publicar un comentario