martes, 29 de julio de 2008

A TDT chegará ao 100% de Navarra en 2009

O Goberno de Navarra acordou ampliar a cobertura da TDT (Televisión Dixital Terrestre) ao cento por cento da poboación da Comunidade foral, ao asinar unha adenda ao convenio de colaboración subscrito en 1995 entre a Comunidade foral e o ente público da Rede Técnica Española de Televisión (Retevisión). O Executivo espera que a cobertura total da TDT sexa unha realidade a finais de 2009.

Actualmente a cobertura alcanza ao 95%

O acordo adoptado ten por obxecto seguir ampliando a TDT en Navarra ata o cento por cento da poboación e para iso vanse a investir 6,1 millóns de euros ata o ano 2010, investimento que permitirá levar a TDT a 27.639 persoas máis (o 5 por cento que falta), a maioría habitantes de zonas rurais, pequenas áreas de poboación illadas ou caseríos, nos que os condicionantes xeográficos dificultan a extensión da TDT por medios convencionais (a través de ondas).

Actualmente, a cobertura de TDT en Navarra (canles estatais e autonómicos) alcanza o 95 por cento da poboación mediante a posta en funcionamento de 17 centros de telecomunicación. Segundo o conselleiro de Innovación, José María Roig, esta porcentaxe supón un adianto respecto das fases de cobertura previstas no Plan Técnico Nacional (PTN) de TDT. "Intentaremos ser a primeira comunidade autónoma en estender a TDT a todo o seu territorio", expuxo.


Fonte: 20minutos.es

No hay comentarios: